 |
الأجوبة |
|
|
| افضل السيارات الامريكية |
يوليو 10 2007, 02:19 مساء |
|
ماافضل السيارات الامريكية
1- كابريس
2-فوردكراون فكتوريا
3-دودج تشارجر.
بالنسبه لي أنا
أفضل الكابريس
|
|
الكاتب:
محمد خميس النقبي
|
| رأيي بنوع السيارة |
أبريل 2 2007, 03:47 صباحا |
|
تحياتي محمد النقبي أريد أخذ رأيك بنوع السيارة تنصحني فيها
وتكون كشخة ورياضية لإني هاوي سرعة وما عندي مشاكل
بالنسبة للبترول.
وعليك السلام...نصيحتي لك خل عنك السرعه وإنساها..
بس عشان أرد على سؤالك.
وااايد سيارات مثل الفراري واللمبرجيني وإذا تبي أرخص عندك البورش الكايين التيربو وعندك البورش تيربو وعندك الرنج روفر السبورت.
|
|
الكاتب:
محمد خميس النقبي
|
| تغيير المقود |
نوفمبر 22 2006, 12:00 مساء |
|
question: السلام عليكم
عندي سيارة نيسان صني موديل 2001 أوتوماتيك جير أود تغيير مقودها الى
الجهة اليسرى أرجو منك مساعدتي بإعطائي اسعار جميع القطع المطلوبة للتغيير
وعناوين الاماكن المتوفرة بها،جزاكم الله كل خير.
وعليكم السلام.
أخوي صعب جدا إني أعطيك أسعار جميع القطع المطلوبة.
بس أقدر أساعدك في إني أعطيك أسامي كراجات ممتازه في مجال التحويل.
|
|
الكاتب:
محمد خميس النقبي
|
| محلات التعديل |
نوفمبر 21 2006, 11:56 صباحا |
|
question: السلام عليكم.
عندي استفسار عن محلات لتعديل السيارات مثال المراتب الرياضية وعواميد
تعديل وهدرز ، اذا ممكن ايضا المعارض التي تبيع سيارات رياضية معدله ويفضل
تكون 4x4 وشكرا
وعليكم السلام...
بخصوص استفسارك هذا و أي شخص يبحث عن محلات لتعديل أو معارض للسيارات رايح أعطيك إسم مجلة فيها كل إلي إتدورون عليه وأتمنى إنكم ماتفهموني غلط وإتقولون إني أسوي دعايه للمجلة هذي لا والله بس كلمة الحق تنقال إنها من إحدى المجلات المفيده في عالم السيارات..
المجلة إسمها Auto Trader ورايح إتحصلها في أي محطة من محطات وقدود الإمارات...
وشكرا
|
|
الكاتب:
محمد خميس النقبي
|
| نيسان بترول |
نوفمبر 21 2006, 10:33 صباحا |
|
question: السلام عليكم
الاحظ انه النيسان باترول موديل 1998 الى 2000 التسارع فيها بطئ جدا بل
اقل من موديل ال 97
ما السبب رغم انه 6 سلندر و230 حصان و4500 سي سي
وهل صحيح ان فيه مشكلة بالدفريشن تسبب البطء وناس قالوا في عمود التوصيل؟
وعليكم السلام والسموحه على التأخير في الرد..
سبب التباطئ ياخويه بسبب وزن السيارة والدفريشن ما فيه أي شي ولا عمود التوصيل وحتى أتأكد من معلوماتي سألت ناس متخصصين في مجال النيسان وأكدو صحة هالكلام
وشكرا لك.
|
|
الكاتب:
محمد خميس النقبي
|
| تحويل مقود السيارة |
أغسطس 29 2006, 10:41 صباحا |
|
question: السلام عليكم
عندي سيارة نيسان صني موديل 2001 أوتوماتيك جير أود تغيير مقودها الى
الجهة اليسرى أرجو منك مساعدتي بإعطائي اسعار جميع القطع المطلوبة للتغيير
وعناوين الاماكن المتوفرة بها،جزاكم الله كل خير..
وعليكم السلاام أول شي لازم إتسويه إنك تسأل هل رايح يسجلون السيارة لك في المرور؟ وثانيا صعب جدا إني أقول لك أسعار القطع لأنك رايح إتغير كثير ونصيحتي لك إنك إتحولها عند الوكالة...وإذا ما تبي إتحولها عن طريق الوكالة إتصل على مرور دبي أو مرور أم القيوين وإسألهم إنك تبي تحول سيارتك من سكان يمين إلي سكان يسار..وإذكر لهم موديل سيارتك وإسألهم عندكم أي كراج أو ورشة معتمد التحويل عندها؟؟
( للعلم السيارات المحولة تسجل بإسم مواطن فقط )
|
|
الكاتب:
محمد النقبي
|
| معارض السيارت |
أبريل 22 2006, 12:57 مساء |
|
question: ارغب فى الحصول على مواقع لمعارض السيارات الجديده والمستعمله
فى دولة الامارات وخاصة فى امارة دبى وشكرا.
بصراحه أنا ماعندي مواقع لمعارض السيارت في دبي أو الشارجه..
وأنا شخصيا إذا أبي أشتري سياره مستعمله ما أعتمد على الصور أو الأشياء المكتوبه عنها لازم أروح بنفسي وأفحص السياره و إحنا إنسميه فحص ميداني.
|
|
الكاتب:
محمد خميس راشد
|
| تحويل مقود السيارة |
أبريل 22 2006, 12:51 مساء |
|
question: اخي العزيز انا من العراق حولت سيارتي من المفودالابمن الى
الايسرولكن لم ينجح يوجد فيهها مشاوط بالرغم مما خسرت عليهها الكثير ولااعرف
بالضبط افيدوني جزاك الله خير.
بالنسبة لتحويل مقود السيارة من اليمبن إلى اليسار يجب أن تتم في الدرجه الأولى عن طريق وكالة السيارة أو عند أي كراج تكون لديه خبرة كبيره في هذا المجال مثال أن شخصيا عندي سيارة ماركII
وحولت المقود ولم أشكو منها والحمدلله أبدا...
وفي رأيي الشخصي أن الكراج إلي بدلت عنده المقود غير متخصص في هذا المجال يعني بالعاميه (شغل أي كلام) وإذا كان متخصص فعلا فرجع له السياره وخله يصلح العطل لأنه لازم يعطيك عليها ضمان.
|
|
الكاتب:
محمد خميس راشد
|
| سيارة أرمادا |
أبريل 21 2006, 11:15 صباحا |
|
question: الاجابيات في سيارة أرمادا؟
مرحبا يا خويه
انته ما ذكرت لي أي نوع من الأرمادا بس رايح أعطيك موقع خاص بسيارة الأرمادا.
http://autos.yahoo.com/newcars/nissan.html?refsrc=iy/make/nissan
|
|
الكاتب:
محمد خميس راشد
|
| سير السيارة والتواير |
فبراير 13 2006, 02:29 مساء |
|
question: كل كم سنة يجب تغيير سيور السيارة؟ و كل كم سنة يجب تغيير
التواير؟
سيور السيارة:
تعتمد على الجو وفي نفس الوقت على عدد الكيلومترات التي تقطعها يعني في الوكالة محددين لك من 30ألف كيلو إلي 40ألف كيلو.
وتواير السياره يعتمد على كيفية استعمالك للسيارة يعني اذا كنت محافظ على سيارتك تقدر اتبدل التواير في السنه مره بس اماا اذا كنت تلعب يمكن رايح اتبدلها في السنه مرتين أو ثلاث مرات.
بس نصيحتي لك ولغيرك افحص في التاير إلي رايح تشتريه وشوف تاريخ صنع التاير.
|
|
الكاتب:
محمد خميس النقبي
|
| كابريس 2006 |
فبراير 13 2006, 02:21 مساء |
|
question: كابريس 6 سلندر 2006 مواصفات رقم واحد افادة وعن مشاكهلها
الكابريس سيارة حلوه وللحين ما شفت فيها أي عيب وعني انا شخصيا اذا فكرت اشتري كابريس رايح اشتري الرويال ولاتعتبرها دعايه عن السيارة هذا رايي الشخصي.
|
|
الكاتب:
محمد خميس النقبي
|
| رأيي |
ديسمبر 26 2005, 12:55 مساء |
|
question: أول شي أشكركم على هذا الموقع العجيب ونتمنى لكم التقدم
والإزدهار وسؤالي لك هو إن سيارتي مرسيدس E-Class موديل 2004 E-240 والمشكلة اللي
عندي إن هذه ثالث مرة السيارة توقف عندي فجأة ومن غير أي سبب ولا تشتغل
بالمرة وأضطر إني أسحبها بالونش للوكالة ويطلع إن الفيول بمب هو اللر خربان
ولازم يتبدل بس ياخي هذه ثالث مرة والسيارة يديدة وما صار لها من بدلت أول
مرة إلا ثلاث شهور وإخترب للمرة الثانية والحين بعد ثلاث شهور وللمرة
الثالثة شو الحل برايك.
أهلين ياخويه..
الحل في رأي الشخصي إنك إتراجع الوكالة وتتفاهم معاهم وتقول لهم شوه أسباب خراب الفيول بمب؟؟؟
وإذا السيارة بعدها على الضمان رجعها لهم...
|
|
الكاتب:
محمد خميس النقبي
|
| تحويل مقود السيارة |
ديسمبر 26 2005, 12:50 مساء |
|
question: السلام عليكم .
انا من العراق .في السابق لم يشهد العراق السيارات ذات المقود الايمن . ثم
من بعد ذللك ظهرت عملية تحوير المقود من الجهة اليمنى الى الجهى اليسرى
.فسوألي هو. هل عملية التحوير ناجحة ! افيدونا بالطريق العلمية ...
وعليكم السلام...
عميلة تحويل مقود السيارة من اليمين إلي اليسار عملية ناجحة بشرط أن يكون تحويل المقود تحويل جيدجدا..وتحت إشراف أخصائيين في هذا المجال..
أنا شخصيا أمتلك سيارة وحولة مقودها وكلفتني كثيرا ولكن كان التحويل ممتاز...
|
|
الكاتب:
محمد خميس
|
| سيارة فان |
أكتوبر 11 2004, 11:20 صباحا |
|
question: السلام عليكم
اخي إنني ابحث عن سيارة فان النوع GMC او chevy مزودة بمصعد للمعاقين ,اتمنى ان اجد
منك الرد باسرع وقت ممكن.
وتقبل مني جزيل الشكر
وعليكم السلام ورحمة الله وبركاته..
أخويه أنا حاليا موجود في استراليا لدراسه ورايح أرجع انشاء الله قبل العيد فرايح أسأل لك وانا هنيه وإذا حصلت بخبرك إنشاء الله. أخويه ليش ماتروح معارض الشارجه أو العوير وتسأل وإذا ما عندهم خلهم إييبون لك وحده طلب. وشكرا
|
|
الكاتب:
محمد خميس النقبي
|
| السيارات 2005 |
أكتوبر 7 2004, 05:41 مساء |
|
question: اخر موديل السيرات
أي نوعيةبالضبط؟؟؟
عند ال أودي نزلت 2005
والبي او دبليو ماعدا ال 7series
الكادلاك بعد.
اذا تبي اتشوف صور لسيارات الجديده 2005 روح هالموقع
http://autos.yahoo.com/?refsrc=offnetwork%2Fcpc%2FPI
وشكرا.
|
|
الكاتب:
محمد خميس النقبي
|
| أحسن سيارة |
أكتوبر 7 2004, 05:24 مساء |
|
question:
ابي أعرف شو أحسن سيارة من هاذول
1- الفولك واجن ترقات
2- البي ام دبليو x5
3- البي ام دبايو x3
4- لاند كروزر
والله حيرتني لأني أبي أعرف من أي ناحيه هل مثلا من ناحية الفخامه؟ أو من ناحية القوة العمليه؟؟
المهم برأيي أنا الشخصي:
من ناحية الفخامه البي ام دبليو X5
ومن ناحية قوة عمليه لاندكروزر وأنا شخصيا عندي لاندكروزر "وكادنها كد مثل مانقول بالعاميه" والحمد الله ما إشتكيت منها أبدا.وبعدبن لو انا في مكانك بشتري ال لاند لأنه بصراحه فخم وعملي كثير جدا.
|
|
الكاتب:
محمد خميس النقبي
|
| جهاز كمبيوتر لفحص السيارة |
أكتوبر 7 2004, 05:02 مساء |
|
question: تحيه طيبه... ارجو من حضرتك افادتي بخصوص جهاز كمبيوتر
فحص الماكينه .عن الشركه اللي تصدره وعن امكانيه الجهاز وسعر الجهاز وارفاق صوره
للجهاز .
في البداية أنا أتأسف عن تأخري في الرد على بعض الأسئلة.
أخوي رايح أبحث لك عن موضوع الكمبيوترات ورايح أختار لك أفضل نوع ورايح أبعث لك إيميل بالتفاصيل ورايح أكتب عنه بإختصار بالموقع ورايح أبلغك بكل شي انشاء الله.
|
|
الكاتب:
محمد خميس النقبي
|
| لون السيارة |
سبتمبر 18 2003, 10:00 مساء |
|
question: شو أحلى لون للسيارة في رأيك؟
مرحبا اخويه واسمحلي على الإطاله..
أحلى لون عندي انا شخصياَ اللون الأبيض ولي أسباب وبعض هذي الأسباب انه اللون الأبيض يعكس أشعة الشمس, والسبب الثاني انه جو دولتنا الحبيبه غبار ورطوبه في أغلب الأحيان فا الغبار هاب رايح يبين على السياره كما هو الحال في اللون الأسود,وإذا حصل لا سمح الله انه سيارتك اتشمخت هاب رايح يبن عليها التشميخ بوضوح كما في الأوان الأخرى.
هذا رايي يا خويه وكل واحد وله رأي.
|
|
الكاتب:
محمد خميس النقبي
|
| نوعية سيارتي |
مايو 17 2003, 06:50 صباحا |
|
بغيت أسألك عن نوع سيارتك إذا ماكان فيه إحراااااج.
هلا والله بالعكس انااا أرحب بأي شخص يبي يستفسر عن اي شي عني.. عندي 3سيارات:- 1-GMC 1992 2- تويوتا تيرسل 1997 3- تويوتا لاند كروزر 2001
|
|
الكاتب:
محمد خميس
|
| صوت في الدفرينشن |
مارس 25 2003, 03:52 مساء |
|
انا عندي فضاوه في الدفرينشن فهل هذه مشكله كبيره تؤثر على السياره
والسياره مرسيدس موديل98 320s
اخويه افحص ايل الدفريشن في موتر يمكن اكون ناقص. وشي أكيد انه رايح يضر بالسياره فنصيختي لك انك تفحصه.
|
|
الكاتب:
محمد خميس النقبي
|
| فرامل السياره |
مارس 25 2003, 03:49 مساء |
|
نوع السيارة : نيسان باترول
سنة الصنع : 1998م
عدد الابواب : 5
سؤال1 : عندي مشكل في فرامل السيارة ما يمسك بريك بطريقة سليمه ولعلمك سيارة
فيهانظام ABS مع الرغم اني مبدل ( سفايف ) حجر الفرامل ::::::
سؤال2 : اي اطارات افضل لسيارات الدفع الرباع ( اطارات 900 )أو ( اطارات الوكالة).
اخويه:
إفحص ايل البريك في موترك يمكن يسرب ايل. والشي الثاني يمكن إكون هوا دخل لك داخل البريك سستم. افحصه جيد و بدقه.
أما بالنسبه افضل لسيارات الدفع الرباعي إذا كنت تبيه للبر فطبعاً 900 افضل.
|
|
الكاتب:
محمد خميس النقبي
|
| تأثير التيربو على القير الأوتوماتك |
مارس 25 2003, 03:39 مساء |
|
question: ما هو تأثير التربو على القير الاوتوماتكي ؟؟ وما تأثير شل الموتر على
تايرين ؟؟
مرحبا اخويه.
اذا كان موترك من الوكاله مظهرنه و عليه تيربو فلا باااس عليه اما إذا انه كان ظاهر من الوكاله بدون و تبي انته اتحط له تيربو فعليك انك اتغير القير الأوتوماتك وتحط له قير اوتوماتك سبورت لأنه هاب رايح يستحمل قوة المكينه.
وبخصوص الشل على تايرين.طبعاَ اكيد يا اخويه رايح يخترب عليك الإكسل و الAlligment والسموحه لأني ما اعرفها باللغه العربيه و فيه اشياء رايح تتضرر عندك و بالطبع اذا انقلب فيك الموتر.
|
|
الكاتب:
محمد خميس النقبي
|
| الفرق بين الوقود الممتاز و الخصوصي |
فبراير 17 2003, 09:29 مساء |
|
question: أردت السؤال عن الفرق بين الوقود الممتاز و الخصوصي في محطات البترول،
لماذا هما مختلفان و لماذا السعر مختلف و أيهما افيد للسيارة؟
اخويه الفرق انه الوقود الخصوصي خالي من الرصاص بنسبة 95% وسعره 4 دراهم للجالون. اما الممتاز فبنسبة 97% وسعره 5 دراهم للجالون.
بالنسبه للأفضل انا شخصيا افضل الممتاز.
|
|
الكاتب:
محمد خميس
|
| إشارة الزيت تكون مضاءة |
فبراير 17 2003, 09:22 مساء |
|
question: وجدت هذه الملاحظة في أكثر من سيارة، أحياناً إشارة الزيت تكون مضاءة و لكن الزيت
غير ناقص، ما السبب؟
طبعا الكل عارف اذا ضائت عندنا اشارة الزيت يكون ان الزيت ناقص او فيه خلل في الزيت بس اذا كان الزيت عندنا غير ناقص فيمكن اكون عندك الليت مجيم(خربان) او فيه خلل في كهربة السياره فنصيحتي لك انك تاخذ موترك للكهربائي وخله يفحص سيارتك.
|
|
الكاتب:
محمد خميس
|
| أفضل طريقة لقيلدة السيارة. |
فبراير 17 2003, 09:16 مساء |
|
question: 1- ما هي أفضل طريقة يمكن أن يقود بها السائق سيارته دون أن يستنزف
الكثير من الوقود؟
2- هل يجب تغيير الزيت كل 5000 كيلو وإن لم تتحرك السيارة أكثرمن 5 أشهر فهل يجب تغيير
الزيت في كل شهر؟
مرحبا اخويه اسف على التأخير.
افضل طريقه هيه انك لما اتقوم سيارتك قومها و هيه مرتاحه(يعني لا تظغط دواسة البترول على الاخر مره وحده). والمعروف انه سواقة السياره داخل المدينة يصرف بترول اكثر لو انك طلعت فيها خط. والشي الثاني انك لاتحكر الموتر.
اما للسؤال الثاني هاب شرط عليك انك إتغيير زيت السياره كل 5000 كيلو. تغيير الزيت يعتمد على مدى استعمالك للسياره.
|
|
الكاتب:
محمد خميس
|
| تشغيل مكيف الهواء في التمرين |
يناير 2 2003, 01:06 صباحا |
|
question: هل صحيح أنه عند شراء سيارة جديدة يجب أن لا نشغل المكيف لمدة شهر حتى
تتمرن السيارة؟
غير صحيح يمكنك تشغيل مكيف الهواء في اي فتره انتي تبينها.
ماذا يجب عليك ان تفعليه في فترة التمرين هو أنكي لا تقودي السيارة لأكثر من سرعة 100 كم في الساعه. حتى يتم فحص السيارة بعد 1000 كيلوميتر من قبل الوكاله.
|
|
الكاتب:
محمد خميس النقبي
|
| تفريغ البطارية |
ديسمبر 16 2002, 11:35 مساء |
|
question: السلام عليكم و رحمة الله
لقد صادفني هذا الموقف أكثر من مرة، فعندما أترك سيارتي بدون تشغيل لمدة أربع أو
خمس ايام أفاجأ بعدها بأنها لا تعمل و أقوم بشحن البطارية، فما سبب ذلك و كيف أتجنب
تفريغ البطارية مع العلم بأني مضطرة لابقاء سيارتي بدون تشغيل لعدة أيام أحيانا.
مرحبا اختي:
اقدر اقول لج انه بطارية سيارتج محتاجه لتبديل هاب شحن مره ثانيه والسبب انه عمر البطاريه انتهى فعلشان جيه كل مره اتوقفينها لمدة بسيطه هاب رايحه تشتغل بدون شحن. والشي الثاني اذا إشتريتي بطاريه جديده ووقفتي سيارتج لمدة 5 أيام فمافيه داعي لأنج اتسوين اي شي بس اذا فكرتي اتوقفينها لفتره اطول فنصيحتي لج انج تفصلين البطاريه من السياره ويوم تبين اتشغلينها مره ثانيه وصلي كل شي مثل ما كان.
|
|
الكاتب:
محمد خميس النقبي
|
| تبديل إطارات السياره |
نوفمبر 28 2002, 02:54 صباحا |
|
question: السلام عليك أخوي، متى لازم انبدل تواير السيارة؟ كل كم شهر يعني؟
اختي بخصوص تبديل إطار السياره يعتمد على نوعية استعمالج للسياره. إذا كنتي تستعملينها بالطريقه الصحيحه فتقدري تبدلينها كل سنه وقبل لا تبديلينها افحصي الاطارات لأنه في بعض الاحيان تكون اكثر من سنه بس نصيحتي لج انج تفحصينها قبل الصيف خاصه مااشاء الله صيفناااا يبهدل الدنيا من الحر.
|
|
الكاتب:
محمد خميس النقبي
|
| معجون لإزالة الخدوش عن السيارات |
نوفمبر 28 2002, 02:48 صباحا |
|
question: هناك دعاية في التلفاز عن معجون لإزالة الخدوش عن السيارات، لكن البعض
يقول بأن هذا المعجون يؤثر على صبغة السيارة و يخربها ما هو رأيك؟
مرحبا اختي:
في رايي انا الشخصي انه رايح يأثر على صبغة السياره لأنهم يخلطون مواد كيميائيه مع الصبغه فنصيختي لج يا اختي انج تبتعدين عن هالاشياء وإذا شفتي سيارتج فيها خدوش كثيره فإصبغيها احسن بالكامل.
وشكرا
|
|
الكاتب:
محمد خميس النقبي
|
| PREHEAT THE CAR |
أكتوبر 28 2002, 11:49 صباحا |
|
question: SALAAM
DO WE NEED TO PREHEAT THE
CAR BEFORE WE START GOING
وعليكم السلام.
في رأيي انا الشخصي مسألة إنتظار السياره لين تحر موب شرط او إنك لازم إتسويه.
هوه يستحسن انك اتسويه خاصه في القير الاوتوماتك لفتره بسيطه كي يأخذ كل شي مجراه مثل آيل السياره والقير في الاوتوماتك و الcooling system في السياره.
|
|
الكاتب:
محمد خميس النقبي
|
| حرارة السياره |
أكتوبر 21 2002, 10:54 مساء |
|
question: سؤالي هوه انه اشتكي من كثر ارتفاع درجة حرارة سيارتي.
وشكرا.
هذي مشكله تقريبا الأغلبيه يشتكي منها و هناك اكثر من سبب لهذا الشي السبب الأول:-
1:- مروحة السياره هاب شغاله بالطريقه الصحيحه.
2:-الراديتر وسخ.
3:-الwater pump عندج هااب شغال بالطريقه الصحيحه.
4:-غطات الراديتر قد تكون السبب.
5:-أو الThermostat عندج خربان.
6:- تحميل السياره فوق طاقتها في الجو الحار خاصه في الصيف (السرعه).
|
|
الكاتب:
محمد خميس النقبي
|
| نوعية الوقود |
أكتوبر 21 2002, 10:33 مساء |
|
question: الأخ المشرف، هل صحيح أن استخدام البترول من أكثر من شركة يضر السيارة؟
بعضهم يقول أن استخدام بترول ايبكو و بترول الإمارات في نفس السيارة يسبب بعض
المشاكل على المدى البعيد؟
مرحبا اخويه الله يسلمك يارب.
بخصوص تغيير نوعية وقود السياره أشهر نوعين عندنا في الامارات الي هوه الLeeded و الUnleeded الاول برصاص والثاني بدون رصاص. هوه مسألة انك تغير عادي بس فيه اشياء لازم تسويها قبل لاتغير الشي الاول: لازم تفضي خزان البترول,والشي الثاني اذا كنت تستعمل الوقود إلي فيه رصاص من فتره طويله وحبيت انك تغير لازم تبدل الFuel Filter .
إستخدام الوقود الي فيه الرصاص قد يسبب مشاكل في محرك السياره وإنشاء الله رايح اتكلم عن هالموضوع في الاعداد القادمه انشاء الله.
|
|
الكاتب:
محمد خميس النقبي
|
| وضعية القير |
أكتوبر 21 2002, 10:22 مساء |
|
question: هل صحيح بأنه في حالة انتظار الإشارة الخضراء يجب وضع الغيار على وضع
الوقوف (الإن)؟ أي أنه، هل يضر وضع الغيار على (الدي) أثناء توقف السيارة؟
بخصوصو وضعية القير في حالة انتظار الاشاره الخضراء فماا فيهاشي ولا رايحه تضر بالسياره او في القير. اذا كان على(N)او(D).
وانشاء الله انتظروا في العدد القادم ورايحين تعرفوا كيف اتحافظون على القير الاوتوماتك انشاء الله.
|
|
الكاتب:
محمد خميس النقبي
|
| استخدام ماى الصنبور للمساحات و الراديتر. |
سبتمبر 28 2002, 11:31 صباحا |
|
أشكركم على هذا الموقع الرائع، هل صحيح أن استخدام ماء الصنبور في ماسحات الزجاج الأمامي أو في صندوق ماء الحرارة مضر؟ و اذا كانت الإجابة لا، لماذا تبيع بعض محطات السيارات ماء خاص للسيارات؟
مرحبا اخويه. مسألة انك تحط ماى من الصنبور في مساحة السياره شي عادي بس بعض الشركات تبيع مثل المواد الى انته ذكرتهالهاميزه وحده الي هيه انه مخلوط معاها صابون علشان بس تنظف زجاج السياره احسن فقط لاغير و بعدين لاتنسى ياخويه انه الشركه لها مغزى من هالشي الي هوه ربحها. فياخويه ما فيه فرق.
اما بالنسبه للماى الي تحطيه في الراديتر: الكل يعرف انه الراديتر مصنوع من معدن و المعدن هذا يصدا فا فيه كذا نوع من الماى الخاص للراديتر. مثلا:- في المناطق البارده جدا يستخدمون ماى اسنه أنتي فريز هذا ماى مخلوط معاه عدة اشياء علشان الماى ما يجمد في حالة انه السياره تكون و اقفه لمده طويله. فنصيحتي لك ياخويه انك تروح و تشتري ماى اسمه cooling water و عادتايكون لون الماى احمر او اخضر. هذا الماى مخلوط معاه اشياء ماا نقدر انقول انها تمنع حدوث الصدا بس نقدر انقول انها تطول عمر الراديتر وما تخليه يصدا لفتره طويله جدا.
نصيحه لك ياخويه نظف راديتر سيارتك على الاقل مره في السنه خاصه قبل الصيف علشان ما تعاني من مشاكل ارتفاع حرارة سيارتك.
اتمنى يا خويه اني جاوبت على سؤالك. شكرا.
|
|
الكاتب:
محمد خميس النقبي
|
| غسيل السياره |
سبتمبر 25 2002, 12:11 مساء |
|
أخوي بغيت أسأل عن محطات غسيل السيارات الي تغسل الموتر بالماي الحار أو
بالبخار. هل هذا الشيء فعلا مفيد؟ و هل غسيل السيارة (يعني المكينة) بالماي البارد
مضر.
و سلامتك.
مرحبا اخويه مبارك. غسيل السياره بالماى الحار شي جيد لأنه يشيل اوساخ كثيره. بس لازم تكون درجة حرارة الماى هاب حاره جدا لأنها يمكن إتأثر بصبغة الموتر.
والشي الثاني والي هوه اهم انه لازم اعرف نوعية سيارتك لأنه لو سيارتك تستعمل الinjuction fuel system. و وصل الماى هذا الى اي ليد مال الكهربه وخاصه ليد البلك أو وصل الى اي جهاز كهربائي داخل الماكينه رايح يأثرعلى كمبيوتر السياره. فنصيحتي لك انك تغسل المكينه بس اذا كااانت فعلا "وصخه!!" وبرجع اكرر مره ثانيه "وصخه" و استعمل رش اسمه Engine Dgree تقدر تشتريه من اي محل تلميع سيارات هذا الرش يعمل مثل حاجز بسيط على المكينه و طريقة استخدامه, رش الرش على المكينه بالكامل و انتظر لمدة 5 دقايق و بعدين اغسل المكينه بالماى بس لا تكثر الرش و حاول ترش من مسافه معقوله يعني هااب قريب وايد من المكينه. و بعد الغسيل لازم تنشف الماى الي في المكينه عن طريق الهوا المضغوط.
والنصيحه الثانيه الي هيه انه فيه ناس يغسلون السياره مع اللأيل و هذا اكبر غلط لأنه رايح يخرب الربلات الي في السياره.
اتمنى يا خويه اني جاوبت على سؤالك.
ملاحظه:- الرجاء عند كتابة السؤال يرجى ذكر نوعية السياره و سنة الصع.
وشكرا
|
|
الكاتب:
محمد خميس النقبي
|
|
|
